“Ukrayna yaxın gələcəkdə NATO-ya üzv ola bilməyəcək, bu istiqamətdə Alyans və Aİ-nin həddindən artıq vədlər verməməsi daha yaxşıdır”, - deyə Böyük Britaniyanın müdafiə naziri Ben Uolles bildirib. Bu barədə Mediatv.az ru.slovoidilo.ua-ya istinadən məlumat verir.
Bu yaxınlarda NATO-nun baş katibi postunu tutmaq arzusunu bildirən Böyük Britaniyanın müdafiə naziri Ben Uolles hesab edir ki, Ukrayna yaxın gələcəkdə Alyansa üzv olmayacaq.
Uolles bu fikri “The Washington Post” qəzetinə müsahibəsində bildirib.
O, Ukraynanın təşkilata daxil olması ilə bağlı fikir ayrılıqlarına toxunub. Uolles deyib ki, NATO, Avropa Birliyi kimi, “Ukrayna kimi həddən artıq vəd verən namizədlərin” keçmişdəki səhvlərini təkrarlamamalıdır.
“Biz realist olmalıyıq və deməliyik: “Bu, Vilnüsdə və yaxın gələcəkdə də olmayacaq”. Bəs daha çox gələcəyə yönəlmək istəyən ölkələr Ukraynaya kömək etmək və ona 100% yox, NATO-nun verdiyi kimi kömək etmək üçün nə edə bilər”, - deyə o, bildirib.
Britaniyalı nazirin sözlərinə görə, bir sıra ölkələr Ukrayna ilə ikitərəfli və ya çoxtərəfli “qarşılıqlı müdafiə paktları” bağlamağa və “Ukraynaya işğalın Rusiyaya və ya hər hansı bir şəxsə baha başa gələcəyini təmin etmək üçün ölkənin hərbi potensialını artırmaq üçün uzunmüddətli öhdəliklər götürməyə hazırdırlar.
Onun sözlərinə görə, bu, Rusiyanı çəkindirə bilər, çünki onun quru qoşunları növbəti 10 il ərzində əhəmiyyətli dərəcədə tükənəcək.
Tərcümə etdi: Səadət Sultanшаблоны для dle 11.2