Mediatv.az russian.rt.com-a istinadən xəbəbr verir ki, Cənubi Koreyanın gizli şəkildə XHƏ (Xüsusi Hərbi Əməliyyat) zonasına sursat və silah verə biləcəyi barədə mediada getdikcə daha çox məlumat yayılır. Lakin onların sözlərinə görə, hələlik silahların birbaşa ötürülməsindən söhbət getmir. Bundan əvvəl Amerika mediası iddia edirdi ki, Koreya Respublikası eksklüziv qeyri-öldürücü silahlar ixrac edəcəyinə dair təminatlara baxmayaraq, guya ABŞ vasitəsilə Ukraynaya gizli şəkildə yüz minlərlə artilleriya mərmisi göndərir. Eyni zamanda, Cənubi Koreyanın “Dong-a Ilbo” nəşri Seulun Vaşinqtona Amerika arsenalını dolduracaq 500 min artilleriya mərmisi verəcəyini, Pentaqonun isə Ukraynaya öz döyüş sursatını göndərəcəyini yazıb.
Ukrayna Silahlı Qüvvələri üçün nəzərdə tutulan Cənubi Koreya silah və sursatları artıq XHƏ zonasına çatdırıla bilər, baxmayaraq ki, hələlik birbaşa ixracdan söhbət getmir. Analitiklər xatırladırlar ki, bununla bağlı bir müddətdir ki, mətbuatda məlumatlar yayılır.
“Cənubi Koreyadan tədarüklərin həqiqətən gəldiyini istisna etmək olmaz. Bu ölkə hərbi-texniki mənada ABŞ-ın ən qabaqcıl müttəfiqlərindən biridir. KXDR ilə münaqişə səbəbindən respublika daim həyəcan təbili çalır, Seulda sursat və digər hərbi texnikanın möhkəm arsenalları toplanıb”, - deyə Strateji Araşdırmalar və Proqnozlar İnstitutunun direktor müavini Yevgeni Semibratov bildirib.
Onun sözlərinə görə, Koreya müharibəsi başa çatdıqdan sonra (1950-1953) ölkədə NATO tipli 155 mm-lik artilleriya döyüş sursatlarının ən böyük ehtiyatları formalaşıb ki, onların çatışmazlığı Şimali Atlantika Alyansında artır.
“Cənubi Koreyanın kifayət qədər inkişaf etmiş hərbi-sənaye kompleksi, o cümlədən özünün tank istehsalı və sursat istehsalı var. Bütün ABŞ tərəfdaşları belə bir arsenalla öyünə bilməz. Nəzərə alsaq ki, Ukraynanın hərbi resurslarını dolduran əsas mənbə, yəni Avropa artıq birbaşa Kiyevə təchizat hesabına öz anbarlarının boşaldılmasından danışır, amerikalılar həqiqətən də yeni mənbələr axtarmalı olurlar və Cənubi Koreya buna uyğun gəlir”- deyə Semibratov qeyd edib.
Xatırladaq ki, Amerikanın “The Wall Street Journal” nəşri daha əvvəl məqalə dərc etmişdi ki, cənubi koreyalılar əvvəllər müstəsna olaraq qeyri-öldürücü silahların tədarükünü elan etmələrinə baxmayaraq, ABŞ vasitəsilə gizli şəkildə Ukraynaya yüz minlərlə artilleriya mərmisi ixrac edirlər. Cənubi Koreya Ukraynaya yüz minlərlə artilleriya mərmisi ötürməkdə davam edir. ABŞ rəsmilərinin fikrincə, bu, Kiyevin Rusiya qüvvələrinə qarşı planlaşdırdığı hücumunu effektiv edəcək və Ağ Evə bir çox ölkələrdə qadağan olunmuş kasetli sursatların tədarükü ilə bağlı potensial qərarını təxirə salmağa imkan verəcək.
Birləşmiş Ştatlar bir neçə ay ərzində Cənubi Koreya hakimiyyətindən “Pentaqonun artilleriya ehtiyatlarının tükənməsi ilə əlaqədar” yardım istəyib.
“Məxfi razılaşmaya əsasən, Cənubi Koreya ABŞ-a mərmi ötürür və onlar da öz növbəsində Ukraynaya göndərilməsini təşkil edirlər. Həm Ağ Ev, həm də Cənubi Koreya hökumətinin Seuldakı sözçüsü bu barədə şərh verməkdən imtina ediblər.
Eyni zamanda, “The Wall Street Journal”-ın yazdığına görə, Pentaqon Seulla döyüş sursatının alınması ilə bağlı danışıqlar apardığını etiraf edib, lakin mərmilərin çatdırılmasının necə həyata keçirildiyini və “onların təhvil-təsliminin nə vaxt tamamlanmalı olduğunu” deməkdən imtina edib.
Tərcümə etdi: Səadət Sultanшаблоны для dle 11.2