Mediatv.az russian.rt.com-a istinadən məlumat verir ki, Rusiyanın xarici işlər naziri Sergey Lavrov və Hindistanın xarici işlər naziri Subrahmanyam Cayşankar iki ölkə arasında əməkdaşlığın dinamikasını yüksək qiymətləndiriblər.
Bu barədə Rusiya departamentinin saytında yerləşdirilən məlumatda deyilir.
"Nazirlər ölkələrimiz arasında xüsusilə imtiyazlı strateji tərəfdaşlığın ən mühüm istiqamətləri üzrə əməkdaşlığın dinamikasını yüksək qiymətləndiriblər", - deyə, məlumatda bildirilir.
Qeyd olunur ki, ŞƏT, BRİKS və G20-də dialoqun genişləndirilməsinə xüsusi diqqət yetirilir.
Bundan əlavə, neokolonial təcrübələrdən istifadənin qarşısının alınması və maneə törədilməsi də daxil olmaqla, “dövlətlərarası münasibətlərin ədalətli çoxqütblü sistemi”nin qurulması kursunu davam etdirmək üçün qarşılıqlı mövqe təsdiq edilib.
Mayın 16-da Lavrov qeyd edib ki, Rusiya regionları ilə MDB ölkələri, Çin, Hindistan, İran və Türkiyə arasında qarşılıqlı fəaliyyət səviyyəsi əhəmiyyətli dərəcədə artıb.
Mayın 25-də Cayşankar Hindistanın Rusiya ilə əməkdaşlığı daha yüksək səviyyəyə qaldırmaq istəyini açıqlamışdı.шаблоны для dle 11.2