Mediatv.az ru.slovoidilo.ua-ya istinadən məlumat verir ki, Ərdoğanın andiçmə mərasimindən sonra Putin və Zelenski ayrı-ayrılıqda Türkiyəyə səfər edəcəklər.
Ukrayna prezidenti Vladimir Zelenski və Rusiya diktatoru Vladimir Putin yeni seçilmiş prezident Rəcəb Tayyib Ərdoğanın andiçmə mərasimindən sonra Türkiyəyə gələ bilərlər.
Bu barədə Türkiyənin “Hürriyet” qəzeti məlumat yayıb.
Nəşrin məlumatına görə, Ərdoğanın andiçmə mərasimindən sonra Putin Türkiyəyə ayrıca səfər edəcək. Bundan sonra Zelenski gələcək.
Rusiya və Ukrayna prezidentlərinin səfəri zamanı müharibənin gedişi və taxıl sazişi müzakirə olunacaq.
Qeyd edək ki, həm Zelenski, həm də Putin seçkilərdən sonra Ərdoğanla telefonla əlaqə saxlayıblar. Türkiyə Ərdoğanın Ukrayna lideri ilə müharibədəki hadisələri və “regional məsələləri” müzakirə etdiyini bildirib.
İlkin məlumata görə, Ərdoğanın andiçmə mərasimi iyunun 3-də baş tuta bilər. Seçkilərin ikinci turunda o, 52%, rəqibi isə təxminən 48% səs toplayıb.
Xatırladaq ki, infoqrafikadan Zelenskinin genişmiqyaslı müharibə zamanı hansı müttəfiq ölkələrə səfər etdiyini öyrənə bilərsiniz. Prezident bu səfərlərdən əlavə Səudiyyə Ərəbistanı və Yaponiyaya da səfər edib.
Tərcümə etdi: Səadət Sultanшаблоны для dle 11.2