Mediatv.az rambler.ru-ya istinadən məlumat verir ki, ABŞ prezidentliyinə namizəd, Florida ştatının qubernatoru Ron Desantis əslində seçki kampaniyasına respublikaçı rəqibi, keçmiş prezident Donald Trampa hücum etməklə başladı. Bu barədə “Reuters”  yazır.
Ayova ştatında keçirilən axşam mitinqində çıxış edərkən Desantis nadir hallarda keçmiş prezidenti xatırlatdı, lakin media mənsublarının suallarını cavablandırdıqdan sonra Trampı miqrasiya, COVID-19 siyasəti və federal xərclərlə bağlı tənqid atəşinə tutdu.
"Təəssüf ki, o, bu məsələlərdən bəzilərində sola keçməyə qərar verdi" – deyə,  Desantis çıxışında vurğulayıb.
Respublikaçıların yarışına liderlik edən Trump, siyasətçinin peyvənd mandatlarına müqavimət göstərdiyini xatırladaraq, Desantisin COVID-19 pandemiyasını idarə etməsini tənqid edib.
Ayovadakı kampaniya mitinqində Desantis də borc müqaviləsini tənqid edib və bunun ABŞ-ın iflasa doğru meylini daha da gücləndirdiyini söyləyib. Siyasətçinin fikrincə, saziş ABŞ-ı iki il ərzində dörd trilyon dollarlıq yeni borclarla hədələyir.
Tərcümə: Səadət Sultanшаблоны для dle 11.2