Mediatv.az rambler.ru-ya istinadən məlumat verir ki, Ermənistan prezidenti Nikol Paşinyan Laçın dəhlizinin blokunun açılması ilə bağlı danışıqların nəticələrindən narazı olduğunu bildirib. Bu barədə TASS siyasətçinin parlamentdəki bəyanatına istinadən məlumat yayıb.
Söhbət mayın 25-də Moskvada baş tutan danışıqlardan gedir.
“Qeyd edim ki, müzakirə mövzularından biri Dağlıq Qarabağdakı humanitar vəziyyət və Laçın dəhlizinin qanunsuz blokadası ilə bağlı olub. Rusiyadan olan həmkarlarımızla bu mövzunu müzakirə etdik. Bu müzakirənin nəticələrinin qənaətbəxş olduğunu deyə bilmərəm”, - deyə, Paşinyan bildirib.
Ermənistan rəhbəri rus sülhməramlılarının iştirakı ilə Laçın dəhlizinin bağlanmasını kədərli adlandırıb. O, həmçinin əlavə edib ki, Rusiyadan olan həmkarları ilə vəziyyətin tənzimlənməsi ilə bağlı danışıqlar davam etdiriləcək.
Bundan əvvəl Paşinyan Moskvada danışıqlarda Ermənistanın bütün iqtisadi və nəqliyyat dəhlizlərini açmağa hazır olduğunu bildirib. O, Laçın dəhlizi ilə bağlı vəziyyətdən də danışaraq, bu marşrutun “Azərbaycan tərəfindən qanunsuz olaraq bağlandığına” işarə edib.шаблоны для dle 11.2