Mediatv.az rbc.ru-ya istinadən məlumat verir ki, Mərkəzi Bank rəhbərinin İrana səfəri ilə bağlı elandan sonra ekspertlər onun maliyyə bazarının Rusiya üçün dəyərini qiymətləndiriblər.
Rusiyanın maliyyə sektoru İranla əməkdaşlığı gücləndirir - Tehran Elvira Nabiullinanın ölkəyə səfər edəcəyini açıqlayıb. İran bunun banklara, investorlara və köçürmələrə necə təsir edə biləcəyini açıqlayıb.
“Tasnim” xəbər agentliyi İran Mərkəzi Bankının sədr müavini Möhsün Kərimiyə istinadən xəbər verir ki, Rusiya Bankının rəhbəri Elvira Nabiullina mayın 23-də Tehrana gələcək. Onun sözlərinə görə, Rusiya Mərkəzi Bankının rəhbəri həmkarı ilə görüşəcək və “valyuta və bank sektorunda” müqavilələrin imzalanması ilə bağlı danışıqlar aparacaq. O, digər təfərrüatları açıqlamayıb.
İranın İRNA agentliyi Nabiullinanın hələ mart ayında ölkəyə səfər etmək planları barədə məlumat yayıb, lakin konkret tarixlər göstərilməyib. Rusiya Bankı səfərlə bağlı açıqlama verməyib və İran tərəfinin bəyanatlarını şərh etməyib. Mayın 23-24-də Tehranda Asiya Klirinq İttifaqının sammiti keçiriləcək, ona Rusiya nümayəndələri dəvət olunub.
 Tərcümə etdi: Səadət Sultanшаблоны для dle 11.2