Mediatv.az ru.slovoidilo.ua-ya istinadən xəbər verir ki, mayın 23-25-də Kiyevdə və regionda paytaxtın müdafiə qüvvələri və vasitələri qrupunun bölmələrinin iştirakı ilə hərbi təlimlər keçiriləcək.
Məlumatı Ukrayna Silahlı Qüvvələrinin Quru Qoşunlarının mətbuat xidməti yayıb.
“Təlim zamanı şəxsi heyətin, standart hərbi texnikanın və silahların cəlb olunması ilə bağlı praktiki tədbirlər həyata keçiriləcək. Tədbirin məqsədi müdafiə əməliyyatının hazırlanması və keçirilməsində döyüş (əməliyyat) imkanlarının formalaşdırılmasıdır”, - deyə, hərbçilər bildirib.
Təlimlə əlaqədar şəxsi heyət və ağır texnika köçürüləcək: vətəndaşlardan bu barədə sosial şəbəkələrdə məlumat verməmələri və sakit olmaları xahiş olunur.
Xatırladaq ki, şəhər meri Vitali Kliçko hesab edir ki, Kiyev rusların hədəfi olub və belə də qalır. Amma onun sözlərinə görə, paytaxt bir il, hətta bir ay əvvəlkindən qat-qat yaxşı qorunur.
Rusların paytaxtı ələ keçirmək üçün ilkin planı daha əvvəl Müdafiə Nazirliyində deyilmişdi.
Tərcümə: Səadət Sultanшаблоны для dle 11.2