Mediatv.az iga.net-ə istinadən məlumat verir ki, Rusiya çox güman ki, Ukraynaya zərbələr endirmək üçün “Fırtına” kodu altında yeni “elitar” aviasiya qrupu yaradır.
Bu barədə Britaniya kəşfiyyatı məlumat yayıb.
Kəşfiyyat məlumatlarına görə, qrup çox güman ki, Su-24 və Su-34 qırıcı-bombardmançılarından ibarət ən azı bir eskadrilyadan, həmçinin hücum helikopterləri eskadrilyasından ibarət olacaq.
“Təyyarə növlərinin birləşməsi qrupun yerüstü zərbə missiyalarında böyük rol oynayacağını göstərir. Qrupun yaradılması onu göstərir ki, Rusiyanın fikrincə, onun nizami Hərbi Hava Qüvvələrinin eskadrilyaları Ukrayna mövqelərinə hava zərbələri endirmək kimi əsas funksiyasının öhdəsindən gələ bilməyiblər”, - bu barədə məlumatda deyilir.
Xatırladaq ki, Britaniya kəşfiyyatı Rusiyanın hava hücumundan müdafiəsini zəiflətmək üçün Ukraynaya yenidən raket zərbələri endirdiyini qeyd etmişdi.
Bundan əvvəl Ukrayna kəşfiyyatı Rusiyanın indi nə qədər raket istehsal edə biləcəyini açıqlamışdı.
 
Tərcümə: Səadət Sultanшаблоны для dle 11.2