Mediatv.az russian.rt.com-a istinadən məlumat verir ki, Belqorod vilayətinin qubernatoru Vyaçeslav Qladkovun sözlərinə görə, ukraynalı silahlıların Starıy Xutor kəndini atəşə tutması nəticəsində bir nəfər yaralanıb.
“Bu gün Valuyski rayonunun Starıy Xutor kəndi Ukrayna Silahlı Qüvvələrinin atəşinə tutulub. Mərmilərdən biri fərdi yaşayış evinin həyətinə düşüb, xəsarət alan var - qolunda və ayağında yara olan bir kişi", - deyə, Telegram-da bu barədə yazıb.
Onun sözlərinə görə, həkimlər yaralının vəziyyətini orta ağır qiymətləndirib, hazırda o, xəstəxanaya çatdırılıb.
Qubernator əlavə edib ki, atəş nəticəsində bir fərdi təsərrüfatda da dağıntılar aşkar edilib, qəlpələrdən 1 avtomobilə ziyan dəyib.
Bundan əvvəl Kursk vilayətinin qubernatoru Roman Starovoyt Ukrayna silahlılarının atəşə tutmasından sonra bölgənin 3 kəndinin işıqsız qaldığını bildirmişdi.шаблоны для dle 11.2