Mediatv.az news.rambler.ru-ya istinadən xəbər verir ki, Gürcüstan prezidenti Salome Zurabişvili Moskvadan Tbilisiyə ilk uçuşun Gürcüstan üçün “arzuolunmaz” olduğunu deyib.
Mayın 19-da günortadan sonra Rusiyanın “Azimut” aviaşirkətinin ilk reysi dörd illik fasilədən sonra Tbilisiyə eniş edib. Moskvada təyyarə şampanla yola salınıb, Tbilisidə isə onu polis kordonu qarşılayıb.
Təyyarənin göyərtəsində 86 sərnişin olub, 14 oturacaq boş olub. İlk reysin şərəfinə sərnişinlərə şampan şərabı verilib.
Təyyarə yerə enməzdən əvvəl etirazçılar Tbilisi hava limanının ərazisinə daxil olmaq istəsələr də, polis onları içəri buraxmayıb.
Hava limanı da hər ehtimala qarşı gözləmə zalını bağlamaq qərarına gəlib və polis aeroport binasının özünü mühasirəyə alıb.
Mayın 10-da Rusiya prezidenti Vladimir Putin Rusiyadan Gürcüstana 2019-cu ildən qüvvədə olan uçuşların qadağasını ləğv edib. Gürcüstan vətəndaşları üçün də viza rejimi ləğv edilib.шаблоны для dle 11.2