Mediatv.az TASS-a istinadən xəbər verir ki, Türkiyənin xarici işlər naziri Mövlud Çavuşoğlu cümə axşamı bildirib ki, rusiyalı həmkarı Sergey Lavrov ona Ukrayna limanlarında ilişib qalan 6 türk gəmisi üçün XHƏ-ın başlaması ilə əlaqədar limanları tərk etmək icazəsi barədə məlumat verib.
Mayın 14-də keçiriləcək seçkilərdə deputatlığa namizədliyini irəli sürdüyü Antalyada mətbuat konfransında Çavuşoğlu: "Lavrov dünən zəng edib və altı gəminin Ukraynadan çıxmasına icazə verildiyini bildirib".
Yayım nazirin “Twitter” səhifəsində aparılıb. Onun sözlərinə görə, Ukrayna tərəfi ilə praktiki olaraq, bu məsələ üzərində işləyir.
Türkiyənin hazırkı prezidenti Rəcəb Tayyib Ərdoğan çərşənbə günü bildirib ki, o, Türkiyə gəmilərinin Ukraynanın Nikolaev və Olbiya limanlarından maneəsiz çıxışı üçün Rusiya tərəfindən zəmanət alıb. Eyni zamanda Türkiyə lideri taxıl müqaviləsinin müddətini iki ay uzadacağını açıqlayıb.
Çavuşoğlu taxılla bağlı İstanbul razılaşmalarının uzadılmasını Türkiyənin Ukraynada nizamlanmaya nail olmaq səyləri çərçivəsində mühüm hadisə adlandırıb. "Ukraynadakı münaqişəyə son qoymaq üçün səylərimizi davam etdirəcəyik", - deyə, türkiyəli nazir bildirib.шаблоны для dle 11.2