Məlum olduğu kimi, bir müddət əvvəl ABŞ Rusiyanın Qərb sanksiyalarından yayınmasına kömək edən bir neçə şirkətə qarşı sanksiya tətbiq edib. Onların arasında ilk dəfə Ermənistan şirkətləri də olub.
Mediatv.az “AzPolitika.info”ya istinadən xəbər verir ki, rəsmi Vaşinqtonun Nikol Paşinyan hökumətinə Rusiyaya qarşı sanksiyalar mövzusunda təzyiq etdiyi məlum olub. Bu barədə erməni politoloq, siyasi elmlər doktoru Vaqe Davtyan öz sosial şəbəkə səhifəsində paylaşım edib.Politoloq özünün hakimiyyətdəki mənbələrinə istinadla yazıb ki, bir sıra yüksək səviyyəli ABŞ rəsmiləri rəsmi İrəvana xəbərdarlıq edib: “Bəzi məlumatlara görə bu məsələ Baş nazirin müavini Mqer Qriqoryanla ABŞ Ticarət nazirinin müavini Uolli Adayemo arasında müzakirə edilib. Eləcə də bu məsələ ABŞ Ticarət nazirinin köməkçisi Tei Kendallın bir neçə gün əvvəl İrəvana səfəri zamanı müzakirə olunub”.
Davtyan bildirib ki, İrəvan rəsmilərilə təmaslar zamanı Rusiyaya sanksiyadan yayınmaq üçün yardımlar davam edəcəyi təqdirdə, Ermənistana qarşı sanksiya tətbiq ediləcyinə dair xəbərdarlıq olunub. Baxmayaraq ki, bununla bağlı rəsmi bülletenlərdə heç nə qeyd olunmayıb.