"Ali Attestasiya Komissiyasının işinə əlaqədar dövlət qurumlarının qanuni müdaxiləsi zəruridir"

Ana səhifə Bizimlə əlaqə

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Baba Rzayevin şəxsi maraqları “Lubristar LLC” MMC ilə harada toqquşdu

İşğal və təcavüz faktı olmasaydı… - Hacıyev

Bakıda sabiq icra başçısının klinikasında qəssabxana açıldı - AQTA bağladı

Ermənistanın bunu etməsi narahatlıq yaradır - Əliyev

Cəmiyyət (10-05-2024, 21:13)
"Ali Attestasiya Komissiyasının işinə əlaqədar dövlət qurumlarının qanuni müdaxiləsi zəruridir" - ÇAĞIRIŞ

“Ali Attestasiya Komissiyasının işinə əlaqədar dövlət qurumlarının qanuni müdaxiləsi zəruridir. Bəli, mən vaxtaşırı bu qurumun fəaliyyəti, onun akademik şəbəkənin bir qanadına çevrilməsi və dövlətin elm potensialına ciddi zərbə vurması haqqında silsilə yazılar yazıb, etirazımı bildirmişəm. Təəssüf ki, heç bir nəticəsi olmayıb. Elmi dərəcə və adların verilməsinə gəlincə, onların elmi bilik və bacarığa görə verilmədiyini diplom alanların özləri hamıdan yaxşı bilirlər. Qurumda alınıb-verilən rüşvətə və onun qədərinə gəlincə, prosesdə iştirak etmədiyim üçün dəqiq heç nə deyə bilmərəm. Onu yalnız müvafiq dövlət qurumları dəyərləndirə bilər. Elm sahəsində vəziyyətin dəyişməməsi, yaxud daha da pisləşməsi, alimlik diplomlarının alınıb-satılması, diplomlu, fəqət rüşvətxor, laqeyd, kəmsavad fırıldaqçılardan ibarət nəhəng və faydasız alim kontingentinin durmadan artırılması ölkəyə yaxşı gələcək vəd etmir”.

Bu sözləri Pravda.az-a açıqlamasında Azərbaycan Milli Elmlər Akademiyasının Nəsimi adına Dilçilik İnstitutunun Nəzəri dilçilik şöbəsinin müdiri, professor İdris Abbasov son günlər Ali Attestasiya Komissiyası barədə rüşvət iddialarından danışarkən deyib.

Alim bildirib ki, AAK-dakı qanunsuzluqlar şəbəkə mahiyyətli olduğundan prosesdə böyük mütəşəkkil dəstənin iştirakı istisna deyil: “Şəbəkənin “zoğları” Azərbaycan Milli Elmlər Akademiyası daxil olmaqla, əksər elm və təhsil müəssisələrində, universitetlərdədir. Gələcəyimizi məhv edən şəbəkənin arxasında isə ilk növbədə vəzifəli akademik, professor, elmi rütbəli və dərəcəli digər şəxslər dayandıqları üçün mənim kimi vətəndaşların tənqidi yazıları, hətta faktlar havadan asılı qalır. Əlbəttə, azacıq həssasiyyəti, milli qeyrəti, insanlığı olan şəxs bizi diri-diri torpağa gömən, gözümüz görə-görə övladlarımızı şikəst edən cinayətkar ünsürləri pisləməkdən yorulmamalıdır. “Yal, pul, ya da vəzifə ver, səsimi kəsim, tərifə keçim, həqiqətin gözünün içinə dirənim” kimi əxlaqsız davranışa razı olan alim öz doğmasına düşmən olan çaqqal xislətli varlıqdan da pisdir. Elələrinin cəmiyyətdə söz sahibinə çevrilməsi bir müddətdən sonra şahidi olacağımız, bəlkə də, sonumuzu gətirəcək bir başqa fəlakətdir”.