"Malibu" kimi brendlərin daxil olduğu Amerikanın ən böyük şərab və spirtli içki distribütorlarından birinin Tampa şəhərindəki anbarından 1,6 milyon dollar dəyərində içki oğurlanıb.
Valyuta.az xəbər verir ki, oğruların bu nəhəng yükü yük maşını ilə daşıdıqları iddia olunub. Oktyabrın 5-də CNN tərəfindən əldə edilən möhürsüz axtarış qərarına əsasən, oğurluq iyulun səkkizində səhər tezdən Florida ştatının Gibsonton şəhərindəki "Republic National Distributing Company"də baş verib.
Firmanın internet saytındadkı məlumata görə, bu şərab və spirtli içkilər üzrə ixtisaslaşmış, ölkənin aparıcı alkoqollu içkilərin topdansatışı üzrə ixtisaslaşmış şirkətlərindən biridir. Axtarış qərarına əsasən paylama mərkəzindən heyrətamiz sayda - 4277 ədəd spirtli içki oğurlandığı bildirilib. CNN-in əldə etdiyi məlumata görə bu şəxslər yalnız “naməlum şübhəlilər” kimi qeyd olunduğundan soyğunda kimin və ya neçə nəfərin əli olduğu məlum deyil. Bildirilib ki, şübhəlilər paylama mərkəzinə yerləşdirilən təhlükəsizlik kamerası avadanlıqlarını sökmələrinə baxmayaraq hələ də tam qaça bilməyiblər.
Məlumatda "Hillsborough County" Şerif Ofisinin əməkdaşları yaxınlıqdakı marketdən təhlükəsizlik kamerası görüntülərini əldə edib və oğurluq zamanı istifadə olunan üç yük maşınını müəyyənləşdiriblər. Bir yük maşını anbarından çəkilmiş digər görüntülərdə də alkoqollu içki oğurluğunda istifadə edildiyi güman olunan üç avtomobil göstərilir.  Böyük paylama mərkəzində "Malibu" və "Jose Cuervo" kimi böyük brendlərin məhsulları var.
"Forbes"ə görə, bu spirt distribütoru ABŞ-ın 38 ştatında yerləşib və 2022-ci ildə 12,1 milyard dollar gəlir əldə edib. "USA Today" xəbər verir ki, xarici oğurluqlar, o cümlədən mütəşəkkil pərakəndə cinayətlər 2022-ci ildə verilən hesabatların 36 faizini təşkil edib. Bu rəqəm 2021-ci ildəki 37 faiz olub. Ancaq pərakəndə oğurluqlar keçən il ümumilikdə 112,1 milyard dollar itkiyə səbəb olub.шаблоны для dle 11.2