2019-cu ildən indiyə kimi Azərbaycanda dövlət tenderlərinin böyük hissəsini əldə edən daha bir şirkət aşkar edilib.

Mediatv/az FED.az-a istinadla xəbər verir ki, bu – «Diadem» QSC-dir (VÖEN: 2904701591).

Sözügedən şirkət 2019-cu ildən indiyə kimi iştirak etdiyi dövlət tenderlərində 131 milyon 653 min 884 manatlıq sifariş qazanıb. Şirkət bu sifarişləri cəmi 9 tenderlə əldə edib – bir tenderin orta qiyməti 14 milyon 628 min manatdır.

«Diadem» QSC -nin əsas «müştərisi» Məcburi Köçkünlərin Sosial İnkişaf Fondu olub. Şirkət 9 tenderdən 8-ni bu qurumdan udub – 131 milyon 53 min 884 manat. Bu isə ümumi tenderlərin 99.5 faizi deməkdir.

Qeyd edək ki, «Diadem» QSC yalnız 1 tenderi Gəncə Şəhəri İcra Hakimiyyətindən udub - 600 min manat.
 шаблоны для dle 11.2