Xəbər verdiyimiz kimi Vəkillər Kollegiyasının sədri Anar Bağırov son zamanlar məhkəmələrin vəkillər tərəfindən qaldırdığı vəsatətləri rədd etməsi ilə bağlı Məhkəmə -Hüquq Şurasına müraciət edib.

Kollegiya sədri öz müraciətində məhkəmələr tərəfindən vəsatətlərinin baxılmamış saxlanması, heç bir əsaslandırma olmadan rədd edilməsindən narahatlığını ifadə edib.

Gununsesi.info isə bildir ki, Bakı Ağır Cinayətlər Məhkəməsinin sədr müavini, hakim Əfqan Hacıyev “e-huquq.az”a açıqlamasında bu iddia ilə razılaşmadığını bildirib:
” İşin obyektiv həllinə xidmət edən vəsatətlər hakimlər tərəfindən təmin edilir. Lakin təəssüf ki, bəzi vəkillər kortəbii şəkildə vəsatətlər verirlər və onun təmin edilməsini istəyirlər”.

Gununsesi.info xatırladır ki, vaxtilə vəkillik fəaliyyəti ilə məşğul olan Əfqan Hacıyev indi ölkədə ən ədalətsiz və zalım hakim kimi tanınır.
Onun “Gəncə İşi” çərçivəsində apardığı prosesdə Yunis Səfərova ömürlük cəza təyin etməsi birmənalı qarşılanmayıb.

Bundan başqa O, “Nardaran məhbusları” işində də öz amansız hökmləri ilə yadda qalıb.