Füzuli rayon İcra Hakimiyyəti tərəfindən keçirilən tender müsabiqəsinin (Açıq tender) qalibi məlum olub.
Yeniavaz.com açıqlanan rəsmi məlumatlara istinadən xəbər verir ki, tender müsabiqəsinin qalibi “Mantı LM Group” MMC (VÖEN- 1505345531) olub.
Tender müsabiqəsinin şərtlərinə əsasən “Mantı LM Group” MMC Füzuli rayon İcra Hakimiyyətinə  130 min 777 manat dəyərində mal-material satacaq.
Məlumat üçün bildirək ki, tenderin qalibi olan “Mantı LM Group” MMC-nin adına açıq internet resurslarda rast gəlmək mümkün deyil. Şirkətin daha əvvəl hansı işlərlə məşğul olduğu barədə heç bir yerdə məlumat yoxdur.
Məlum olan yalnız odur ki, “Mantı LM Group” MMC bir ay əvvəl keçirilən tenderin nəticəsinə görə Penitensiar xidmətin Bakı İstintaq Təcridxanasında və 11 saylı cəzaçəkmə müəssisəsində abadlaşdırma işləri görəcək və görülən işlərin qarşılığında 46 min 191 manat alacaq.
Rəsmi məlumatlarda “Mantı LM Group” MMC -nin tender müsabiqəsindən (elan 26.05.2021-ci ildə açıqlanıb) cəmi 3 ay əvvəl - 27.01.2021-cı ildə dövlət qeydiyyatına alındığı, nizamnamə kapitalının isə cəmi 2 manat olduğu qeyd olunub. Hüquqi ünvanı Nərimanov rayonu, E.İsakzadə, ev 10/8-də yerləşən şirkətin qanuni təmsilçisi Rzaquliyev İrşad Elham oğludur.
Tenderlə bağlı diqqət çəkən məqamlardan biri odur ki, təxminən eyni tarixdə, fərqli ünvanlarda Rzaquliyev İrşad Elham oğlunun rəhbərlik etdiyi daha 4 şirkət dövlət qeydiyyatına alınıb.
Rzaquliyev İrşad Elham oğlunun rəhbərlik etdiyi şirkətlər bunlardır:

Şirkətin adı	VÖENİ-i	Hüquqi ünvanı	Nizamnamə kapitalı	Qeydiyyat tarixi
"MANTI LM GROUP"	1505345531	NƏRİMANOV RAYONU, E.İSAKZADƏ ev.10/8	2 manat	27 Yanvar 2021
"MADAGAR RF"	1306982751	YASAMAL RAYONU, ALATAVA 1 ev.145	2 manat	27 Yanvar 2021
"SEMRA SNG"	1405407581	NƏSİMİ RAYONU, HÜSEYNBALA ƏLİYEV 2 MK ev.9 m.4.	2 manat	27 Yanvar 2021
"LALENDE FM GROUP"	2006559021	XƏTAİ RAYONU, ƏHMƏDLİ ŞTQ, ELÇİN ƏLİYEV ev.4	2 manat	27 Yanvar 2021
"NGN GROUP"	1006848981	BİNƏQƏDİ RAYONU, M.RƏSULZADƏ ŞTQ, Z.QƏMBƏROV DÖN. ev.2 m.2.	2 manat	28 Yanvar 2021

Diqqət çəkən başqa bir məqam isə bundan ibarətdir ki, Rzaquliyev İrşad Elham oğlu 2020-ci ildə Nərimanov Rayon Polis İdarəsinin 18-ci Polis Bölməsinin əməkdaşlarının keçirdiyi əməliyyat nəticəsində Sabunçu rayonu Ramana qəsəbəsində avtomobili oğurlamaqda təqsirli bilinərək saxlanılıb. Açıqlanan rəsmi məlumatda qeyd olunub ki, Rzaquliyev İrşad Elham oğlu Babayev Qəşəm Əliqəmən oğluna məxsus avtomobili Yəhya Bakuvi küçəsi 5 ünvanında oğurlayıb. Rzaquliyev İrşad Elham oğlu avtomobil ilə birlikdə 18-ci polis bölməsinə gətirilib. Onun üzərində narkotik maddə sayılan kakos aşkar edilib. Məlum olub ki, saxlanılan şəxs əlvan metal toplayırmış və avtomobilin qapılarının açıq olduğunu görüb. Tamah ona güc gəldiyi üçün avtomobili oğurlayıb. O avtomobili oğurlamayacağını sadəcə içşərisindəki maqnitafonu satıb özü üçün narkotik vasitə alacağını bildirib. Maqnitafonu Sabunçu bazarında satan şəxs özü üçün narkotik vasitə də əldə edib. Lakin keçirilən əməliyyat zamanı həmin narkotik vasitə polis əməkdaşları tərəfindən maddi sübut kimi götürülüb.
Tenderin qalibi olan olan Rzaquliyev İrşad Elham oğlu ilə narkotik və avtomobil oğurluğuna görə saxlanılan Rzaquliyev İrşad Elham oğlunun eyni şəxs olub-olmadığını öyrənmək üçün daha əvvəl Pentensiar Xidmətin mətbuat xidmətinin rəhbəri Mehman  Sadıqovla əlaqı saxlasaq da, qurum rəsmisi bu bardə onda heç bir məlumatın olmadığını bildirib.
Onu da qeyd edək ki, tenderin qalibi olan “Mantı LM Group” MMC-nin qeydiyatda olduğu ünvanda da qısa müddət ərzində bir neçə şirkət qeydiyyata alınıb:

Şirkətin adı	Qanuni Təmsilçisi	Hüquqi ünvanı	Nizamnamə kapitalı	Qeydiyyat tarixi
"MANTI LM GROUP"	Rzaquliyev İrşad Elham	NƏRİMANOV RAYONU, E.İSAKZADƏ ev.10/8	2 manat	27 Yanvar 2021
"KODAG"	Vəliyev Şahin Nazim	NƏRİMANOV RAYONU, E.İSAKZADƏ ev.10/8	2 manat	1 Dekabr 2020
"NOEL MK"	Məmmədov Coşqun Mayıl	NƏRİMANOV RAYONU, E.İSAKZADƏ ev.10/8	2 manat	2 Dekabr 2020
"ZEFER 2020"	Məmmədov Coşqun Mayıl	NƏRİMANOV RAYONU, E.İSAKZADƏ ev.10/8	2 manat	4 Dekabr 2020
"LAÇIN ZƏFƏR"	Dadaşov Tural Balaqardaş	NƏRİMANOV RAYONU, E.İSAKZADƏ ev.10/8	2 manat	7 Dekabr 2020
"LİMPART 2021"	Salmanov Elvin Süleyman	NƏRİMANOV RAYONU, E.İSAKZADƏ ev.10/8	2 manat	14 Dekabr 2020
"ADOBE"	Zeynalov Mehman Mürsəl	NƏRİMANOV RAYONU, E.İSAKZADƏ ev.10/8	2 manat	14 Dekabr 2020
"ŞUŞA HOLDİNG LMN"	Qurbanov Vüqar Süleyman	NƏRİMANOV RAYONU, E.İSAKZADƏ ev.10/8	2 manat	11 Yanvar 2021

A. Cəfərovшаблоны для dle 11.2