Bakıda dələduzluq etməkdə şübhəli bilinən şəxs saxlanılıb. 

Mediatv.az DİN-ə istinadən verdiyi xəbərə görə, iyunun 7-də Nəsimi RPİ-nin 20-ci Polis Bölməsinə müraciət edən əcnəbi vətəndaş 2017-ci ilin fevral ayından cari il mart ayınadək olan müddətdə Sevinc adlı şəxsin paytaxt ərazisində ona alması üçün ev tapacağı adı ilə aldadaraq 77.000 manatını aldığını bildirib.

Bakı şəhər sakini Sevinc Mirzəyeva müəyyən edilərək saxlanılıb.

Faktla bağlı Nəsimi RPİ-də Cinayət Məcəlləsinin 178-ci (dələduzluq) maddəsi ilə cinayət işi başlanılıb