Tələbə təqaüdləri 200 manata QALDIRILIR? - AÇIQLAMA

Ana səhifə Bizimlə əlaqə

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Baba Rzayevin şəxsi maraqları “Lubristar LLC” MMC ilə harada toqquşdu

İşğal və təcavüz faktı olmasaydı… - Hacıyev

Təhsil (19-09-2024, 15:30)
Tələbə təqaüdləri 200 manata QALDIRILIR? - AÇIQLAMA

Hazırda yeni tədris ili başlanılıb. Bu gün həm ödənişli, həm də ödənişsiz övlət sifarişi hesabına təhsil alan hər bir tələbə göstəricilərinə uyğun olaraq tələbə təqaüdü ala bilir. Bu gün tələbələrə verilən təqaüdlər onların aylıq ehtiyacını qarşılamır. Sosial vəziyyəti aşağı olan və xüsusilə rayondan gələn tələbələrin xərci həqiqətən valideynləri çətin vəziyyətə salır.

Bəs tələbə təqaüdləri 200 manata qədər artırıla bilər? Mövzu ilə bağlı Sonxeber.az-a danışan təhsil eksperti Vüsal Kərimli deyib ki, tələbə təqaüdləri ən azından 200 manata qədər artırıla bilər:

" Çünki bu il təhsil büdcəsi ötən ilə nisbətən daha artıqdır. Düşünürəm ki, mövcud məbləğ arıtrılmalıdır. Onsuzda dövlət universitetlərin dövlət sifarişi əsasında oxuyanların, universitetlər üçün adambaşına maliyyələşmələrin məbləğini artırdı. Bunun üçün sosial baza mövcuddur. Tələbələrin təqaüdləri ən azından 200 manata qədər artırıla bilər. Tələbə təqaüdlərinin artırılması sosial problemlərinə müsbət şəkildə təsir edə bilər. Onların əlavə resursların əldə edilməsi məsələsində araşdırmalar aparması və yeni kitabları əldə etməsi üçün məqsədəuyğun olardı".

Təhsil eksperti Elçin Əfəndi deyib ki, bu istiqamətdə birbaşa səlahiyyət sahibi dövlət başçısıdır:

"Gözləntimiz ondan ibarətdir ki, cari ilin sonuna qədər tələbə təqaüdləri arta bilər. Amma konret məbləği dövlət başçısı müəyyən edir. Tələbə təqaüdlərinin daha yüksək olması tələbələrin sosial rifahına təsir göstərəcək. Bu il tələbələrə tələbə kartlarının verilməsi və müəyyən güzəştlərin tətbiq edilməsi nəzərdə tutulur. Həmin kartlar vasitəsilə müvafiq olaraq nəqliyyatdan istifadə zaman keşbek faizlər və bonuslar qazanacaqlar. Təqribən tədris başlanan tarixdən 1 ay sonra tələbələrə həmin kartların verilməsi nəzərdə tutulub. Bütün tələbələrə verilməsə də, tədricən müəyyən universitetlərin tələbələrinə kartlar veriləcək. Yəni layihə pillə-pillə həyata keçiriləcək".