Dekabrın 23-də jurnalist Şahvələd Çobanoğlu Baş Prokurorluğun Ağır Cinayətlər İdarəsinə çağrılıb. 

“Mediatv.az” xəbər verir ki, bu haqda jurnalist şəxsi facebook səhifəsində məlumat verib:

“Bu gün səhər saat 11-də prokurorluğun Ağır Cinayətlər İdarəsinə çağırılmışdım. Adı bilinməyən, bizə yalnız nömrəsi deyilən, vətəndaş cəmiyyətinə və QHT-lərə qarşı aparılan cinayət işinin çərçivəsində məndən ifadə alıbdı. 

Mövzu “AzadlıqRadiosu”ndan mənim hesabıma köçürülən pullar barədə idi. Köçürülmə nəşri çoxdan dayanmış "Fərqli Düşüncə" dərgisinin çapı və yayımı ilə bağlı olub. Hər şey qanuni və şəffafdır. Bunlar axırını nəyə yönəldəcəklər, özləri bilərlər. Mən bütün hallarda "Fərlqi Düşüncə"yə görə yox, fərqli düşündüyümə görə ittiham oluna bilərəm”.