ANS PRESS-in "qaynar xətti"nə qazılaraq oğurlanmış asfalt örtüyünün fotosu və videosunu göndəriblər. Bu video və fotolar Bakının Badamdar və NZS qəsəbələrində çəkilib. Fotolardan yoldakı asfalt örtüyünün təxminən 20 metr ərazidə qazılaraq götürüldüyü görünür. Bu ərazidə havanın quraq vaxtında elə də problem yaranmasa da yağış yağanda əməlli-başlı palçıq olur. Bu ərazidən keçmək üçün əsl qəhrəmanlıq tələb olunur.

Xatırladaq ki, saytın bir neçə gün əvvəl yayımladığı məlumatda Bakının Badamdar və NZS qəsəbə sakinləri yolların asfalt örtüyünün oğurlanaraq bir maşının sonradan ucqar məhəllə sakinlərinə 70-80 manatdan satıldığını bildirmişdilər.

“Azəryolservis" ASC və Bakı Şəhər İcra Hakimiyyətindən məsələ ilə bağlı xəbərsiz olduqları bildirilib.

Sonda video və fotoları təqdim edirik: