Xəbərdə deyilir ki, nazirlik müəssisələrə xəbardarlıq edərək istismar olunan radioelektron vasitələrin qeydiyyatdan keçirilməsini xatırladıb.

Buna baxmayaraq bu ilin 8 ayında müəssisə və təşkilatlarda keçirilən yoxlama zamanı 224 ədəd Dövlət Radiotezliklər İdarəsində qeydiyyatdan keçməyən müxtəlif növ radioelektrik vasitə aşkarlanıb.

Nazirliyin radioelektron vasitələrinin istismarına nəzarət şöbəsi (REVİNŞ) və efirə radionəzarət şöbəsinin (ERNŞ) bölgələr üzrə efirə radionəzarət məntəqələrinin (ERNM) mühəndisləri daxil olmuş müraciətlərə əsasən təşkilat və müəssisələrdə istismar olunan radioelektron vasitələrinə (REV) baxış keçirib.

Qeydiyyatdan keçirilməyən 106 vasitə möhürlənib, 107 ədədi qeydiyyata salınıb və 11 ədədinin qeydiyyata salınması üçün müvafiq tədbirlər görülür. Dövlət qeydiyyatından keçməyən qeyri-qanuni radioelektron istifadəçilərinə qarşı hüquqi tədbirlərin görülməsi üçün aidiyyəti rayon məhkəmələrinə müraciətlər edilib.