Elə onu da bəyan edirlər ki, hər il artan büdcə səsbəbindən regionlarda inkişaf ən yüksək həddə çatıb. Lakin deyimlə reallıq arasındakı tərs mütənasibliyi görmək elə də çətin deyil. Məhz Göygöldə olduğu kimi.

 Göygöl rayonunun Çaykənd kəndinəd fəaliyyət göstərən uşaq bağçası sözün həqiqi mənasında “analoqu olmayan”dır. Belə ki, kəndin uşaqlarına təlim-tərbiyə vermək üçün uzun illərdir yaradılmış həmin bağçanın durumu acınacaqlıdır. Yayılan fotolardan da aydın görünürü ki, uçuq-sökük daxmaya bənzəyən bu uşaq bağçası nəinki uşaqlara təlim və tərbiyə verməyə yarayır, hətta orada uşaqlar üçün əsl təhlükə mənbəyidir. Həm uça bilər, həm də xəstəlik mənbəyi olaraq. 

Göygöl rayonunun Çaykənd kəndindəki uşaq bağçasına hər il büdcədən on minlərlə manat təmir, ərzaq və avadanlıq pulları ayrılır. Hətta bu məqsədlə hər il tenderlər belə keçirilir. Lakin görünən odur ki, bu tenderlərin hamısı sadəcə pul silməkdən başqa heç bir məqsəd güdmür. Əks təqdirdə, belə bərbad vəziyyətdə uşaq bağçasının indiyə qədər fəaliyyət göstərməsi mümkün olmazdı.