Tikinti olan yerdə inkişaf var, tərəqqi var”.

Mediatv.az-ın verdiyi xəbərə görə, bu sözlər millət vəkili İqbal Məmmədova məxsusdur. Deputat seçildiyi Lerik rayonunda körpü və yolun açılışında iştirak edib:

“Bir regionun sosial-iqtisadi inkişafı, həyata keçirilən quruculuq tədbirlərinin miqyası ilə də ölçülür.

Bu gün, Lerik rayonunun Almu kəndində yaşayan ağsaqqalların və çoxsaylı seçicilərimizin müraciətləri nəticəsində Azərbaycan Respublikası Dövlət Neft Şirkətinin maliyyə dəstəyi ilə inşa edilmiş, uzunluğu 1 km. olan yeni yolun və uzunluğu 24 metr, eni 6 metr olan körpünün açılışını etdik.

Bu yoldan və körpüdən minlərlə insan istifadə edəcəkdir. Körpünün tikintisi doğrudan da çox vacib idi. Sakinlərimizin həyat şəraitinin yaxşılaşdırılması adına görülmüş bütün işlər əslində ölkəmizdə xalqla dövlət arasındakı birliyi təcəssüm etdirir. Rayonumuza göstərilən xüsusi diqqət və qayğıya görə möhtərəm prezidentimizə dərin minnətdarlığımı bildirirəm. Bu kimi işlərin təşəbbüsündə, həyata keçməsində az da olsa rolumun olması məni bəxtiyar edir. Hər şey Azərbaycan vətəndaşı üçündür”.