Azərbaycanda boşanmaların sayı sürətlə artmaqdadır.

 Mediatv.az saytı Ədliyyə Nazirliyindən son dörd ildəki boşanmalara dair rəsmi statistikasını əldə edib.

Ədliyyə Nazirliyinin qeydiyyat şöbələri tərəfindən nikahın pozulmalarına dair rəsmiləşdirilmiş  rəqəmlər ciddi narahatlığa əsas verir.

Boşanmaların statistikasına baxaq: 

2016-cı ildə Azərbaycan Respublikasında Ədliyyə Nazirliyinin rayon (şəhər) qeydiyyat şöbələri tərəfindən 13100 boşanma halları qeydə alınıb. Əhalinin hər 1000 nəfərinə boşanmaların sayı 1,4 olub. Başqa sözlə, ötən il hər ay təxminən 1091 ailə boşanıb.

2015-ci ildə boşanan ailələr 12764 olub. 2014-cü ildə 12088,  2013-cü ildə 11730 ailə dağılıb.

Göründüyü kimi, boşanmalarda ildən-ilə ciddi artım baş verir... 

Ekspertlər boşanmaların əsas səbəbləri sırasında ər-arvadın bir-birinə güzəştə getməməsini, işsizliyi, yoxsulluğu, insanların ailə qurmağa mənəvi cəhətdən hazır olmamasını və digər amilləri göstərirlər...