28 oktyabrda Azərbaycan Dövlət Neft və Sənaye Universitetində “İnkişaf Zamanı” Proqramı, “HeadWay Language & Development”, “Barattson” şirkəti, “Youth İnc.” Proqramının tərəfdaşlığı ilə “eProject” Group tərəfindən keçirilən "Jobs Kuboku" layihəsinin final, bağlanış və mükafatlandırma mərasimi keçirilib.

Mediatv.az xəbər verir ki, finalda Bakı üzrə 6 universitetdən ən güclü 10 tələbə mübarizə aparıb.

300 tələbə arasından seçilən finalçılar, öz təqdimatlarını auditoriya və jüri qarşısında ediblər. Jüri qismində peşəkar idarəçi, biznes konsultant və məsləhətçi Fəxri Ağayev, “BeSmart.az” şirkətinin rəhbəri Müşviq Həsənov, ünsiyyət konsultantı, ictimai nitq təlimçisi və kouç Rəşad Bayramov finalçıları dəyərləndiriblər. 

Tədbirdə çıxış edən layihə rəhbəri Kənan Məmmədov, layihənin məqsədi, strukturu və gələcək planlar haqqında məlumat verib.

Sonda mükafatlandırma mərasimi keçirilb və xatirə şəkli çəkilib.

Ən yüksək bal toplayan Bakı Ali Neft MƏktəbinin tələbəsi Elçin Allahverdili "Jobs Kuboku", 500 AZN-lik təhsil vauçeri və fərqləndirici diplomun sahibi olub.