26 İyun –Silahlı Qüvvələr günü  münasibətilə Nəsimi rayon İcra Hakimiyyətinin təşkilatçılığı ilə Silahlı Qüvvələrin Baş Klinik Hospitalında əsgərlərlə görüş keçirilmişdir.

Mediatv.az xəbər verir ki, Hospital rəisinin şəxsi heyətlə iş üzrə müavini polkovnik-leytenant Kamil Seyidəliyev tədbir iştirakçılarını salamlayaraq, əsgərləri  Bayram münasibəti ilə təbrik etmişdir.

Sonra Nəsimi rayon İcra Hakimiyyəti Başçısının 2 nömrəli Sahə İnzibati Ərazi Dairəsi üzrə nümayəndəsi Əziz Zeynalov əsgərlərə və şəxsi heyətə RİH Başçısının təbrikini çatdırmış və bildirmişdir ki, rayon rəhbərliyi və ictimaiyyətin nümayəndələrinin  Goranboy rayonunda yerləşən N saylı hərbi hissədə, düşmənlə birbaşa təmas xəttində xidmət edən əsgərlərimizin qonağı olduqlarını və 26 İyun –Silahlı Qüvvələr günü  münasibətilə konsert proqramı təşkil edildiyini vurğulamışdır.  

Bildirmişdir ki, son dövrdə  bütün cəbhə boyu gedən şiddətli döyüşlərdə Azərbaycan əsgəri düşmənə öz gücünü bir daha sübut etdi. Hadisələr bir daha göstərdi ki, Azərbaycan əsgərinin qəhrəmanlığı, Azərbaycan xalqının Vətən və Torpaq kimi yüksək dəyərlər uğrunda birliyi və fədakarlığı sadəcə söz deyil, gerçəklikdir.

Tədbirdə  incəsənət nümayəndələrinin çıxışları əsgərlərdə xoş təəssürat yaratmışdır.