Beynəlxalq Muzeylər günü münasibəti ilə Heydər Əliyev Mərkəzində  “Tarixi keçmişimizi yaşadan muzeylər” adlı tədbir

 Mediatv.az xəbər verir ki, bu gün Hacıqabul rayon Heydər Əliyev Mərkəzində Beynəlxalq Muzeylər günü münasibəti ilə “Tarixi keçmişimizi yaşadan muzeylər” adlı tədbir keçirildi.Əvvəlcə Mərkəzin bələdçisi Nurlanə Muradova məktəblilərə Heydər Əliyevin həyat və fəaliyyətindən bəhs edən eksponatlar haqqında geniş məlumat verdi.Sonra onları Heydər Əliyev Mərkəzinin kurs üzvlərinin əl işlərindən ibarət sərgilərlə tanış etdi.Tədbirin rəsmi hissəsi mərkəzin Kino zalında davam etdirildi.Heydər Əliyev Mərkəzinin direktoru Aytən Zülfəliyeva tədbiri giriş nitqi ilə açdı, qonaqlara Beynəlxalq Muzeylər günü münasibəti ilə  Respublika muzeylərində 18-22 may tarixlərində keçirilən “Açıq Qapı” günlərindən istifadə etməyi, mənəvi dünyamızı daha da zənginləşdirmək üçün muzeylərə baş çəkməyi tövsiyyə etdi.

         Mərkəzin Baş fond mühafizi Bahar Abasova muzeylərin tarixi haqqında geniş məruzə etdikdən sonra Aytən Zülfəliyeva Hacıqabul rayon Heydər Əliyev Mərkəzinin yaranması və fəaliyyəti barədə geniş məruzə etdi.Sonda Hacıqabul rayon Heydər Əliyev Mərkəzinin fəaliyyətindən bəhs edən slayda tamaşa edildi.

   Aytən Zülfəliyeva Hacıqabul rayon Heydər Əliyev Mərkəzinin direktoru