Azərbaycanda kənd təsərrüfatının inkişafındakı xidmətlərinə görə yüksək fəxri adlarla təltif edilənlər arasında Azərbaycan Dövlət Aqrar Universitetinin iki təcrübəli müəlliminin də adı var.

Mediatv.az-a ADAU-nun mətbuat xidmətindən bildirilib ki, Əkinçilik kafedrasının müdiri, dosent Azad İbrahimov, Maşın Mühəndisliyi və Standartlaşdırma kafedrasının müəllimi dosent Elxan Məmmədov  çəkdikləri zəhmətin dəyərli qiymətini aldılar. Onların ikisi də prezident İlham Əliyevin sərancamı ilə “Əməkdar müəllim”fəxri adına layiq görülüb. ADAU-da keçirilən rektoratda rektor İbrahim Cəfərov bildirib ki, hər iki müəllimimiz uzun illərdir səmərəli fəaliyyətləri ilə kənd təsərrüfatının inkişafına layiqli kadrlar hazırlayır, çoxsaylı yetirmələri indi ölkəmizdə və onun hüdudlarından kənarda kənd təsərrüfatının inkişafında böyük uğurlara imza atırlar.

Azad İbrahimov və Elxan Məmmədov göstərilən qayğı, verilən yüksək ad üçün prezident İlham Əliyevə minnətdarlığını bildirdi və bundan sonrada kənd təsərrüfatının inkişafına layiqli kadrlar yetişdirəcəklərinə söz verdilər.