Milli-mənəvi həmrəyliyin, xeyirxah əməllərin, şəfqət və mərhəmət duyğuların təntənəsi olan Qurban bayramı İslam dinində xüsusi mahiyyət və əhəmiyyət kəsb edir.

Mediatv.az xəbər verir ki, Respublikamızın bütün bölgələrində olduğu kimi, Füzuli rayonunda da Qurban bayramı qeyd edilmişdir.

Füzuli rayon İcra Hakimiyyətinin başçısı Alı Alıyev tərəfindən Horadiz şəhərində Qurban kəsilərək sakinlərə paylanılmışdır.Alı Alıyev şəhər sakinlərini mənəvi birliyin, saflıq və mərhəmətin rəmzi olan Qurban bayramı münasibətilə şəhər sakinlərini təbrik etmiş, əmin-amanlıq, can sağlığı və ruzi-bərəkət arzulamışdır.

O cümlədən rayon İcra Hakimiyyətinin başçısı Alı Alıyevin göstərişi ilə ərazidəki icra nümayəndələri tərəfindən qurbanlar kəsilərək aztəminatlı ailələrə paylanılmışdır.

Rayon sakinləri göstərilən diqqət və qayğıya görə ölkə Prezidenti cənab İlham Əliyevə minnətdarlıqlarını ifadə etmişlər.