Azərbaycan Dövlət Aqrar Univeristetində 2015/2016-cı tədris ilinə hazırlıq işləri çərçivəsində, bütün fakültələrdə olduğu kimi, Baytarlıq təbabəti və zoomühəndislik fakültəsinin həyətində abadlıq işləri uğurla davam etidirilir. Universitetin tikilməkdə olan müasir tipli yataqxanalarına yaxın olan bu ərazidə universitetin könüllüləri, o cümlədən tələbə gəncləri tərəfindən 300-dən çox ağac əkilib. Bundan başqa, aqronomluq, mühəndislik, elektroenergetika və informasiya texnologiyaları fakültələrinin  tədris binalarının ətrafında təmizlik, yaşıllaşdırma işləri aparılır. Universitet kollektivinin bu istiqamətdə fəaliyyəti  Heydər Əliyev Fondunun prezidenti Mehriban xanım Əliyevanın «Hərəyə bir ağac əkək!» devizi ilə keçirilən aksiyalara, Leyla Əliyevanın rəhbərlik etdiyi İDEA (Ətraf Mühitin Mühafizəsi Naminə Beynəlxalq Dialoq) İctimai Birliyinin təşkil etdiyi layihələrə, bütövlükdə  Azərbaycan Dövlət Aqrar Universitetində təhsil alan tələbə gənclərin ətraf mühit problemlərinin aradan qaldırılması, ekoloji tarazlığın qorunması sahəsində biliklərinin artırılması məqsədinə əsaslanır.