Son dövrlərdə Azərbaycan Dövlət Aqrar Universitetinin professor-müəllim, laborant-texniki və tələbə heyətinin asudə vaxtının səmərəli təşkili istiqamətində mühüm işlər görülür. Universitetin 3 ədəd Hyundai, 1 ədəd Pegout və 1 ədəd Vito markalı avtobusları əməkdaşları və tələbələri respublikamızın gözəl güşələrinə, stirahət mərkəzilərinə səfərlərinin təşkilində istifadə olunur. Səfərlərin təşkilində məqsəd əməkdaşların və tələbələrin istirahəti ilə yanaşı onları ölkəmizin tarixi yerləri, florası, faunası ilə yaxından tanış etməkdir.  Bu tədbirlərin tərkib hissəsi kimi bu günlərdə universitet əməkdaşlarının bir qrupu Oğuz, Qax və Şəki rayonlarına səfər ediblər. Bundan başqa, hazırda əməkdaşların istirahəti və sağlamlıqlarının bərpası üçün  universitet Həmkarlar İttifaqı Komitəsiyollayış vərəqələri təklif edir. Bu məqsədlə universitetin internet ünvanında yollayışların sayı, istirahət mərkəzləri və sanatoriyalar barədə elan verilmiş,  məlumatlar sosal şəbəkələrdə bölüşdürülmüşdür.