Əmək və Əhalinin Sosial Müdafiəsi Nazirliyi (ƏƏSMN) tərəfindən sağlamlıq imkanları məhdud daha 25 nəfər şəxs Türkiyəyə ixtisaslaşmış bərpa müəssisəsinə müalicəyə yola salınıb.

Mediatv..az xəbər verir ki, sağlamlıq imkanları məhdud şəxslərin yola salınması zamanı ƏƏSMN-in əlillərin sosial müdafiəsi siyasəti şöbəsinin müdiri Saday Abdullayev Prezident İlham Əliyevin sosial cəhətdən həssas qruplara diqqət və qayğısının bu təbəqədən olan şəxslərin xaricdə ixtisaslaşmış bərpa-müalicəsinin təşkili işlərinin gücləndirilməsinə də şərait yaratdığını vurğulayıb. O qeyd edib ki, bunun əməli təsdiqi kimi ƏƏSMN tərəfindən son iki ayda 115 nəfər əlilliyi olan şəxsin xarici ölkələrdə bərpa-müalicə müəssisələrinə göndərilməsi təmin edilib.

Şöbə müdiri qeyd edib ki, Türkiyənin Dənizli bölgəsi zəngin müalicəvi təbii potensialı (təbii palçıq sahələri, mineral bulaqları, şəfalı suyu və s.) ilə tanınır. Burada həmin təbii resurslardan istifadə olunmaqla hidroterapiya, palçıq müalicəsi, tibbi masaj, sudaxili məşqlər, mexanoterapiya, hidroprosessor və s. növlərdə aparılan səmərəli bərpa-müalicə prosedurları əlil şəxslərin sağlamlığına müsbət təsir göstərir.