Səhiyyə Nazirliyinin balansında olan İnnovasiya və Təhcizat Mərkəzi yeni ildə daha bir milyonluq tenderə imza atıb. Tribunainfo.az xəbər verir ki, Publik Hüquqi şəxs olan sözügedən qurum bu dəfə avadlıq və ləvazimatların satın alınmasını həyata keçirəcək.
Belə ki, sözügedən qurum Uşaqların icbari dispanserizasiyadan keçirilməsinə dair tədbirlərlə bağlı xərclər çərçivəsində tibbi təyinatlı avadanlıq və ləvazimatların satın alınmasına 2.051.017 manat pul xərcləyəcək.
Bununla əlaqədar “VİTTA ELMİ-TEXNİKİ” MMC ilə satınalma müqaviləsi imzalanıb.
“VITTA elmi-texniki” şirkəti 1991-ci ilin may ayında təsis edilib və Azərbaycanda ixtisaslaşmış informasiya sistemlərinin, telekommunikasiya, kompüter və tibbi avadanlıqların layihələndirilməsi və istehsalı məqsədilə yaradılmış ilk peşəkar şirkət hesab olunur. Şirkətin rəhbəri isə Kamil Quliyevdir.