Parkın təmirsiz, uçuq-sökük skamyaları bir yana, burada zibil yeşikləri əvəzinə boş ərzaq qutular qoyulub. Taxta-karton qutuların küləyin təsirindən aşmaması üçün içinə daş da yığılıb. 

Burada dincələn sakinlər də parkın pis vəziyyətdə olduğunu deyirlər. Onların sözlərinə görə, işıqlar quraşdırılmadığından axşamlar park zülmətə qərq olur, göz-gözü görmür. Parka nəzarət edən olmadığından skamyalar pis vəziyyətdədir. Əkilən ağaclar  da baxımsızlıqdan quruyub, yaşıllıq məhv olub. Yaxınlıqda heç bir parkın olmaması sakinləri yenə də burada ayaq saxlamağa vadar edir. 

Yaxınlıqda yaşayan sakinlər deyir ki, bu park əvvəllər zibilliyi xatırladırdı. İndi buranı təmizləyiblər, zibil problemini isə özünəməxsus şəkildə həll ediblər, zibil qutuları əvəzinə karton qutular qoyublar. 

Parkdan maraqlı görüntüləri təqdim edirik.