“Hədəfimiz pilotsuz uçan taksilərdir. Bu, şəhər nəqliyyatında inqilab olacaq”.

Mediatv.az xəbər verir ki, bunu “Baykar” şirkətinin texniki direktoru Selçuk Bayraktar “Reuters”ə müsahibəsində deyib.

“Bayraktar TB2” üzərinə düşəni edir. Ən qabaqcıl zenit sistemlərini, inkişaf etmiş artilleriya sistemlərini və zirehli maşınları məhv edir. Buna görə də bütün dünya müştərimizə çevrildi”, - o qeyd edib.

S.Bayraktar bildirib ki, “Qızılalma” pilotsuz döyüş təyyarəsinin ilk uçuşu gələn ilə planlaşdırılıb, TB3-ün isə yaxın zamanda uçuş sınaqlarına başlanacaq:

“Uzunmüddətli hədəfimiz pilotsuz uçan taksilərdir. Hazırda bunun üzərində işləyirik. Bunun üçün süni intellektə əsaslanan daha yüksək səviyyəli avtonom texnologiya inkişaf etdirməliyik. Bu, şəhər nəqliyyatında inqilab olacaq”.