Prezident İlham Əliyev Uqandaya səfərə dəvət olunub.

“Mediatv.az” xəbər verir ki, bu barədə Uqandanın yeni səfiri Muhammad Tezikuba Kisambira bu gün etimadnaməsini Prezident İlham Əliyevə təqdim edərkən deyib.

Səfir Prezident İlham Əliyev üçün uyğun vaxtda Uqandaya səfər etməklə bağlı ölkəsinin rəhbərliyinin dəvətini dövlət başçısına çatdırıb.

O bildirib ki, Uqanda rəhbərliyi Azərbaycanın bu ölkəyə investisiya yatırmasında maraqlıdır.