Azərbaycanlıların soyqırımı günü olan 31 Mart - 1918-ci ildə Şamaxı, Quba, Zəngəzur, Qarabağ və Naxçıvanda erməni dəstələri tərəfindən Azərbaycan xalqına qarşı törədilmiş qanlı soyqırımın xatirəsini əks etdirir.
Mediatv.az xəbər verir ki, bu fikir Türkdilli Dövlətlərin Əməkdaşlıq Şurasının Baş katibi Bağdad Amreyevin 31 Mart soyqırımı ilə bağlı bəyanatında əks olunub.
“Azərbaycan xalqının ümummilli lideri Heydər Əliyev beynəlxalq ictimaiyyətin diqqətini yaxın keçmişdə baş verən soyqırımlara çəkmək və azərbaycanlılara qarşı bütün qırğınları bir gündə simvollaşdırmaq üçün 1998-ci ilin mart ayında fərman imzaladı. Bu fərmanla 31 Mart Azərbaycanlıların Soyqırımı Günü elan edildi və soyqırım qurbanlarının xatirəsi hər zaman Azərbaycan cəmiyyətinin yaddaşında qorunub saxlandı.
Bu gün Azərbaycan xalqı və hökuməti soyqırım qurbanlarını yad edir və dünya ictimaiyyətini bu dəhşətli əməlləri tanımağa çağırır. Bu mühüm münasibətlə azərbaycanlı qardaş və bacılarımızla birlikdə sayqırım zamanı həyatını itirən bütün şəhidləri anır, Türk Şurası olaraq bölgəmizdə və xaricində sülh və əmin-amanlığı təmin etmək üçün bütün gücümüzlə çalışacağımızı təkrarlamaq istərdim”, - bəyanatda qeyd olunub.шаблоны для dle 11.2