Gorus-Qafan yolunda erməni təxribatı – Azərbaycan adekvat cavab verəcək

Ana səhifə Bizimlə əlaqə

8 müqavilə, 24,5 milyon manat - Tender kralı "ZN Trade" MMC kimindir?

SABİQ NAZİRİN “TENDER KRALI”NA ÇEVRİLƏN ŞİRKƏTİ

Sumqayıtı "yaşıllaşdıran" Nuranə Zeynalova kimdir?

Naxçıvan İTS-də maliyyə pozuntusu - Pullar hara xərclənib?

Baba Tağıyev şirkətində aparılan yoxlamaya mane olub?

"Grand Palace"nın sahibi səkini yola çevirdi

İspaniya mediası Eldar Mahmudovun oğurluq pullarından yazdı

Tenderlər qalibi olan “Dostluq H-EL” MMC hansı GENERALINDIR?

“EuroHome”-nin sahibi kompensasiya verməmək üçün hansı yola əl atıb?

Siyasət (11-02-2021, 10:40)
Gorus-Qafan yolunda erməni təxribatı – Azərbaycan adekvat cavab verəcək

\
44 günlük Vətən müharibəsində məğlub olan Ermənistan ərazidə öz gücünü göstərməyi bacarmadı. Məğlub tərəf olmağı qəbul etməyən Ermənistan ordusu müxtəlif təxribatlara əl atır.

Bu günlərdə təcavüzkar tərəf olan ermənilər Gorus-Qafan yolunun Azərbaycan ərazisinə düşən hissəsində “Azərbaycan Respublikasına xoş gəlmisiniz” plakatını atəşə tutur.

"Mediatv.az"-a mövzu ilə bağlı hərbi ekspert Ədalət Verdiyev danışıb. O qeyd edib ki, bu hərb tarixinə rast gəlinməyən hadisədir:

“Bu savaşda Ermənistan tərəfi döyüş əməliyyatları teatrında Azərbaycan Ordusu qarşısında məhdud imkanlarını belə nümayiş etdirə bilmədi. Hazırda Azərbaycanın qələbəsi ilə barışa bilməyən erməni hərbiçiləri ordumuza qarşı təxribatlara, o cümlədən “Azərbaycan Respublikasına xoş gəlmisiniz” plakatını atəşə tutmaqla öz imkanlarının nə qədər məhdud olduğunu göstərirlər.

Adətən müharibədə əsgər-əsgərlə, texnika-texnikaya qarşı mübarizə aparır. Lakin bu günə qədər hansısa ordunun plakatla savaşdığının şahidi olmamışdım. Ölkənin hərbi qulluqçuları tərəfindən qonşu ölkənin ərazisində olan plakatı atəşə tutmaq hərb tarixində rast gəlinməyən hadisədir”.

Ə.Verdiyevin sözlərinə görə, ermənilər etdikləri təxribatların davamlı olacağını düşünməsinlər, əks halda Azərbaycan ordusu öz imkanlarını təkrar düşmən tərəfə nümayiş etdirəcək.

“Ermənilər bu təxribatların davamlı olacağını düşünməsinlər. Bunun qarşını almaq üçün artıq həmin ərazidə Azərbaycanın kifayət qədər güc və vasitəsi var. Onların cavabını vermək isə bizim ordu üçün heç bir problem təşkil eləmir.

Lakin biz bu məsələlərə biraz təmkinlə yanaşıb, rəqib ölkənin özünü mövcud vəziyyətə uyğun aparmasını, yəni döyüş əməliyyatlarında məğlub ölkə kimi his edib və bununla barışmasını gözləyirik. Bu təxribatların davam edəcəyi halda düşünürəm ki, Azərbaycan ordusu təkrar öz imkanlarını düşmən tərəfə nümayiş etdirməyə məcbur olacaqdır”.