Biz dostluq sərhədindəyik. Bilirsiniz ki, cənab Prezident də Xudafərin körpüsünə səfəri zamanı İran-Azərbaycan sərhədini dostluq sərhədi adlandırmışdı. Bundan sonra səfərimiz Zəngilan rayonunadır. Orada Mincivan qəsəbəsində olacağıq, bilirsiniz ki, orada dəmir yolu stansiyası fəaliyyət göstərirdi və bu ərazi də ermənilər tərəfindən dağıdılıb.
"Mediatv.az" xəbər verir ki, bunu Azərbaycan Prezidentinin köməkçisi Hikmət Hacıyev diplomatik korpus nümayəndələrinin Cəbrayılda Xudafərin körpüsünə səfəri zamanı jurnalistlərə açıqlamasında deyib.
H.Hacıyev səfərin məqsədi barədə danışarkən qeyd edib ki, ümumilikdə bu səfərin mahiyyəti Azərbaycanın işğal olunmuş ərazilərində ermənilərin törətdiyi vəhşiliklərin diplomatik korpusun nümayəndələri və səfirlərin öz gözləri ilə görməsinə fürsət yaratmaqdır:
"Ermənistan uzun illər guya sivil bir siyasət yürütdüyünü göstərirdi. Amma bu ərazilərdəki vəhşilik Ermənistanın bir daha əsl mahiyyətini göstərir. Diplomatik korpus nümayəndələri də gördülər ki, Azərbaycana aid nə varsa, hər şey dağıdılıb, məhv edilib.
Bizim bu səfərdə dünyanın müxtəlif bölgələrində müharibə təcrübəsi olan jurnalistlər və mütəxəssislər də iştirak edir. Onlar da etiraf edir ki, ən qatı münaqişə ocaqlarında qəbiristanlıqların dağıdılmasına çox nadir hallarda rast gəlinib. Görün, indi vandalizmin hansı nümunəsidir ki, burada qəbirlər, qəbirlərin içərisindəki sümüklər belə dağıdılıb".шаблоны для dle 11.2