Hakim Anna Danibekyanın eks-prezident Robert Köçəryanın cari ilin 3-8 fevral tarixlərində xaricə getməsinə niyə icazə verdiyi Ermənistanda fəal şəkildə müzakirə olunur. Məhkəmənin qərarına əsasən, Köçəryanın xaricə çıxışına qoyulan məhdudiyyətlər müvəqqəti olaraq ləğv edilib. Üstəlik, nə prokurorluq, nə də cəmiyyət Köçəryanın məhz bu dövrdə Ermənistandan çıxmasına nə üçün və niyə icazə verildiyinə dair məhkəmənin izahatını almayıb. Axı eks-prezidentə qarşı kifayət qədər sərt ittihamlar irəli sürülüb.
"Mediatv.az" xəbər verir ki, bunu erməni siyasi şərhçi Tevos Arşakyan söyləyib.
Arşakyan, həmçinin, ötən yay həmin hakim Anna Danibekyanın keçmiş KTMT baş katibi Xaçaturovun Ermənistan ərazisini tərk etməsinə icazə vermədiyini də xatırladıb:
“Köçəryanla oxşar cinayət işinə cəlb olunan Xaçaturovun getmək üçün daha əsaslı bir səbəbi var idi. O, iki günlüyünə valideynləri və qardaşının dəfn olunduğu Gürcüstana getmək istəyirdi. Lakin hakim Anna Danibekyan vəsatəti rədd etmişdi”.
Qeyd edək ki, Köçəryan heç bir ön şərt irəli sürmədən növbədənkənar seçkidə iştirak edəcəyini açıqlayıb və dolayısı ilə Nikol Paşinyanın siyasətini dəstəklədiyini nümayiş etdirib. Onun və Sərkisyanın az öncə Paşinyanla üçlü görüş keçirdiyi, Moskvaya səfər etməsinə də məhv bu görüşdən sonra siyasi razılıq verildiyi bildirilir.шаблоны для dle 11.2