Erməni hərbçilər Hadrutun Köhnə Tağlar və Çaylaqqala kəndlərinə Laçın dəhlizinin çətin keçilən yüksəkliklərindən keçərək gəliblər.
Bu sözləri "Mediatv.az"-a Bakı Politoloqlar Klubunun sədri, politoloq Zaur Məmmədov deyib.
O bildirib ki, Ordumuzun olduğu bölgələrdə erməni silahlılarının gizlənməsi gərginliyi yenidən artırır:
“Bəzi kəndlər elə nöqtədə yerləşir ki, ora erməni silahlılarının gəlişi ciddi sual doğurur. Ehtimal olunur ki, erməni hərbçilərin hədəfi bizim nəzarət etdiyimiz Hadrut və Şuşa yaxınlığında Laçına, Xankəndiyə, Xocavəndə gedən strateji əhəmiyyətli yüksəklikləri ələ keçirmək, ərazilərdə münaqişə yaratmaq və buraya rus sülhməramlılarını gətirməkdir. Nəticədə rus sülhməramlılarının “nəzarət coğrafiyası” genişlənməli, rusların kommunikasiyalara nəzarət etməsinin reallaşdırılması təmin edilməli idi. Sülhməramlıların cəld şəkildə Şuşa və Hadrut istiqamətinə mövqelərini genişləndirməsi və xəritələr çəkməsi bu versiyanın doğruluğunu artırır. Lakin Azərbaycan buna imkan vermədi və Rusiya sülhməramlıları da yenilədikləri xəritəni yenidən geri qaytardı”.шаблоны для dle 11.2