Beynəlxalq Valyuta Fondu(IMF) Ermənistana əlavə 37 milyon dollar həcmində kredit ayırıb.

IMF-dən “Mediatv.az”a daxil olan məlumata görə, böhran səbəbindən maliyyə yardımına ehtiyacı olan üzv dövlətlərə dəstək proqramı çərçivəsində (Stand-by Arrangement(SBA)) Ermənistana ayrılacaq kreditin həcmi yenidən gözdən keçirilib. Fondun İdarə Heyəti Ermənistana ayırılan kreditin əlavə 37 milyon dollar artırılaraq 332 milyon ABŞ dollarına çatdılırmasına qərar verib.

IMF bunu 2020-ci ildə Ermənistanın Qarabağ müharibəsi və COVID-19 pandemiyasının ikinci dalğasının yayılması nəticəsində ağır iqtisadi tənəzzülə uğraması ilə izah edib. Bu iki iqtisadi şok Ermənistan iqtisadiyyatına böyük zərbə vurub və 2020-ci ildə ölkə iqtisadiyyatının 7,3% kiçilməsinə səbəb olub.

“Ermənistan hökuməti makroiqtisadi sabitliyin təmin edilməsi, eyni zamanda sosial xərclərin qarşılanması ilə bağlı iqtisadi islahatların həyata keçirilməsini planlaşdırır. SBA proqramı çərçivəsində ayrılan vəsait bu planların həyata keçirilməsinə xidmət edəcək” -deyə IMF-dən bildirilib.шаблоны для dle 11.2