ABŞ səfirliyi Heydər Əliyev Mərkəzinin binası üzərində həmrəylik nümayişi olaraq ABŞ bayrağının əks olunmasına görə Azərbaycana təşəkkür edib.
Mediatv.az xəbər verir ki, bu barədə ABŞ-ın Azərbaycandakı səfirliyinin rəsmi feysbuk hesabında açıqlama verilib:
“Biz ABŞ bayrağını möhtəşəm memarlıq abidələrindən olan Heydər Əliyev Mərkəzinin binası üzərində nümayiş etdirdiyi üçün mərkəzə öz minnətdarlığımızı bildiririk. Belə çətin zamanda bu, ABŞ-la Azərbaycan arasındakı həmrəyliyin və iki millət arasında olan dostluğun nümunəsidir. Biz birlikdə COVİD-19 pandemiyasına qalib gələcəyik!”.
Qeyd edək ki, aprelin 3-dən etibarən koronavirus pandemiyasına qarşı mübarizədə Azərbaycanın beynəlxalq ictimaiyyətlərlə həmrəylinin ifadəsi olaraq Heydər Əliyev Mərkəzinin binası üzərində pandemiyadan ən çox zərər çəkmiş ölkələrin bayraqları həmin ölkələrin musiqilərinin müşayiəti ilə nümayiş etdirilir.шаблоны для dle 11.2