Rusiya Prezidenti Vladimir Putin ilə Almaniyanın Baş naziri Angela Merkel İdlibdəki vəziyyəti müzakirə ediblər.
Mediatv.az "Anadolu Ajansı"na istinadən xəbər verir ki, Kreml sarayından verilən açıqlamaya görə, Rusiya dövlət başçısı Vladimir Putin ilə Almaniya Baş naziri Angela Merkel telefon danışığında İdlibdəki vəziyyəti, Türkiyə ilə Rusiya arasında planlaşdırılan zirvə görüşünü müzakirə ediblər.
İki liderin Suriyada yaşanan gərgin vəziyyəti ətraflı şəkildə müzakirə etdiyi bildirilib. Görüşdə İdlib Gərginliyi Azaldılması Bölgəsində artan gərginliyin azaldılması, bu mövzuda martın 5-də Moskvada keçiriləcək Türkiyə-Rusiya zirvəsinin məhsuldar nəticələrin əldə olunmasının arzu edildiyi bildirilib.
Görüşdə Liviyadakı vəziyyətlə bağlı fikir mübadiləsi aparıldığını və Berlindəki Liviya konfransında qəbul edilən qərarların həyata keçirilməsinin vacibliyi vurğulanıb.шаблоны для dle 11.2