Bu barədə müsavat.com-a toplantı təşkilatçıları məlumat verib.

 Toplantıda  KXCP, Müsavat, Azadlıq, VAMBP, ADP, Ümid, İslam, Azad Demokrat,  VİP, AXP,  DSP, DİB, AXP və digər partiyalarla yanaşı vətəndaş cəmiyyətinin bir sıra nümayəndələri iştirak edib.

Toplantıda mövcud durum və Mərkəzin qarşısında duran vəzifələr müzakirə edilib.

1.Qərara alınıb ki, ölkə rəhbərliyinə və beynəlxalq təşkilatlara  vahid məhbus siyahısında  olan şəxslər arasında həyati təhlükəyə malik xəstəlikləri olan şəxslərin ixtisaslı tibbi ekspertizası üçün beynəlxalq komissiya yaradılması, həmin şəxslər haqqında həbs qətimkan tədbiri dəyişdirilməsi və həmin şəxslərin müalicəsi (o cümlədən xarici ölkələrdə) üçün tədbirlər görülməsi üçün müraciətlər edilsin.

2. Toplantı iştirakçıları Naxçıvanda hüquq müdafiəçisi və jurnalistlərə qarşı   təzyiqləri, o cümlədən İlqar Nəsibovun vəhşicəsinə döyülməsini pisləyib, bu aktı hakimiyyətin siyasi repressiyalarının tərkib hissəsi kimi qiymətləndirib, təqiblərə son qoyulmasını və təqsirkarların cəzalandırılmasını tələb edib.

3. Toplantı üzvləri Birləşmiş Hüquq Müdafiə Mərkəzinin demokratiya və insan hüquqları istiqamətləri üzrə komissiyaların yaradılması barədə   razılıq əldə olunub.

4. Qərarı alınıb ki, Mərkəzin məqsəd, hədəf və formatının müəyyənləşdirilməsi üçün Xartiya hazırlanıb, müzakirə və qəbul edilsin.