ATƏT Parlament Assambleyasının Bakıda keçirilən 23-cü illik sessiyası bu gün də öz işini davam etdirir. 

Millət vəkili Azay Quliyev sessiyada ATƏT regionunda mədəni mülkiyyətin qorunması ilə bağlı qətnamə irəli sürüb.

Sessiyada iştirak edən erməni nümayəndə Artaşes Qeqamyan isə qətnamayə bir neçə düzəliş edilməsini təkilif edib: “BMT 1976-ci ildə siyasi və mədəni hüquqlar haqqında xartiya qəbul edib. Bu düzəlişin qətnamədə nəzərə alınmasını təklif edirəm. İkinci düzəlişimiz 1966-ci ildə qəbul olunan beynəlxalq paktın maddələrinin qətnamədə nəzərə alınmasınıdır. Bəzi həmkarlarımız yalnız mexaniki olaraq səs verirlər. Bizim düzəlişlərimiz qətnaməyə xələl gətirmir. Rusların da dediyi kimi, südü yağlı çörəklə xarab etmək olmaz. Mədəni mülkiyyətin qorunması ilə bağlı qətnamyə “öz ərazilərində” sözü əlavə edilsin”.

Azay Quliyevin erməni nümayəndəyə cavabı gecikməyib. O, bildirib ki, işğal olunmuş torpaqlarda mədəni mülkiyyəti qorumaq mümkün deyil. "İşğalçı dövlət həmin ərazilərdə mədəni mülkiyyəti qorumalıdır”.

Ümumilikdə qətnamə ilə bağlı 10 düzəliş təklif edilib. Düzəlişlərin əksəriyyəti erməni nümayəndə Artaşes Qeqamyan tərəfindən irəli sürülüb.

Azay Quliyev daha sonra erməni nümayəndələrə təşəkkür edib: “Erməni həmkarların işini yüksək qiymətləndirirəm. Qətnamə ilə bağlı çoxlu düzəlişlər hazırlayıblar. Mən ona görə erməni nümayəndələri təbrik edirəm”.

Sonda qətnamə səsverməyə çıxarılıb və qəbul olunub