Türkiyə prezidenti Rəcəb Tayyib Ərdoğan növbədən kənar parlament seçkilərinin keçiriləcəyi günü elan edib. 

anspress-in məlumatına görə, səsvermə noyabrın 1-nə təyin olunub. Növbədənkənar seçkilərin keçirilməsinə səbəb Türkiyənin baş-naziri Əhməd Davudoğlunun mandatını geri qaytarması olub. Türkiyə Konstitusiyasına əsasən, 45 gün ərzində hökumətin qurulmasına nail olunmazsa, o zaman növbədənkənar seçkilər keçirilir. Bu baxımdan avqustun 23-də həmin müddət başa çatır. 

Türkiyə ana müxalifətinin lideri hökumətin formalaşdırılması üçün ona mandatın verilməsini xahiş edib. Ərdoğan isə müxalifət liderinə belə cavab verib: “Mən daha vaxt itirə bilmərəm. Ona görə də, növbədənkənar seçkilərin keçirilməsinə qərar qəbul etdim”.

Türkiyədə hakimiyyətdə olan Ədalət və inkişaf partiyası (AKP) Milliyətçi Hərəkat partiyası ilə koalisiya hökuməti yaratmağa çalışır. Buna səbəb isə AKP-nin 2002-ci ildə parlamentdə səs çoxluğunu itirdikdən sonra təkbaşına hökumət qurmaq imkanını əldən verməsi olub.