Hesablama Palatası Sabirabad və Oğuz rayonlarının icra hakimiyyətlərində yoxlamalar aparacaq.

Mediatv.az Hesablama Palatasına istinadən bildirir ki, bu barədə qərar qurumun kollegiyasının bugünkü iclasında qəbul olunub.

Qərara əsasən, dövlət büdcəsinin “Mənzil və kommunal təsərrüfatı” bölməsindən və dövlət əsaslı vəsait qoyuluşundan Sabirabad Rayon İcra Hakimiyyəti və tabeliyində olan idarə, müəssisə və təşkilatlara ayrılan vəsaitlərin istifadəsinə dair, dövlət büdcəsinin dövlət əsaslı vəsait qoyuluşundan və ehtiyat fondlarından Oğuz Rayon İcra Hakimiyyətinə ayrılan vəsaitlərin istifadəsinə dair və Ekologiya və Təbii Sərvətlər Nazirliyinin “Azərbaycan Yaşıllaşdırma və Landşaft Quruluşu” Açıq Səhmdar Cəmiyyətinə dövlət büdcəsindən ayrılan vəsaitlərin istifadəsinə dair audit proqramları təsdiq olunub.